Gunnar Bragi leiðir í Norðvesturkjördæmi

Gunnar Bragi Sveinsson, þingmaður, mun leiða lista Framsóknarmanna í Norðvesturkjördæmi í alþingiskosningunum í vor.

Tillaga kjörnefndar að framboðslista flokksins í kjördæmi var samþykktur á auka kjördæmisþingi að Reykjum í Hrútafirði í dag.

„Mér lýst mjög vel á þetta. Listinn er öflugur og það er mikill hugur í fólki. Ég kvíði engu og hlakka mikið til,“ segir Gunnar Bragi í samtali við fréttastofu.

Ásmundur Einar Daðason, þingmaður, verður í öðru sæti í kjördæminu og Elsa Lára Arnardóttir, kennari og varabæjarfulltrúi, í því þriðja. Í fjórða sætinu verður Jóhanna M. Sigmundsdóttir, búfræðingur og nemi.