Kafarar skoðuðu Herjólf eftir að hann sigldi utan í varnargarð

Herjólfur sigldi aðeins á annarri skrúfunni til Vestmannaeyja í dag eftir að hafa rekist utan í varnargrað við Landeyjahöfn í morgun, samkvæmt upplýsingum fréttastofu.

Þegar skipið kom til hafnar í Vestmannaeyjum eftir hádegi í dag fór kafari og skoðaði hugsanlegar skemmdir á skrúfunni. Ekki liggur fyrir á þessari stundu hvort að þær hafi verið einhverjar.

Gunnlaugur Grettisson, rekstrarstjóri Herjólfs í Vestmannaeyjum, vildi ekki tjá sig um málið þegar fréttastofa náði af honum tali í dag en sagði þó að málið myndi skýrast síðdegis.