Börkur bað um læknisaðstoð við komuna í réttarsal

Mikill viðbúnaður var við Héraðsdóm Reykjaness þegar aðalmeðferð hófst í máli ákæruvaldsins gegn Annþóri Kristjáni Karlssyni og Berki Birgissyni og fleiri mönnum sem ákærðir hafa verið fyrir nokkrar sérstaklega hættulegar líkamsárásir.

Aðalmeðferð hófst klukkan 9:15 og var viðbúnaður, í og við dómssal, mikill. Aðeins Annþór og Börkur voru viðstaddir í dag en þeir eru ákærðir ásamt átta öðrum. Allir tíu neita sök í málinu.

Börkur var móður þegar hann var leiddur inn í dómssal, umkringdur lögreglumönnum. Hann óskaði eftir því að fá að ræða við lögmann sinn. Dómari ákvað að hlé skildi gera seinna, eða eftir bókanir. Því næst fór Börkur fram að fá læknisaðstoð. Hann sagðist hafa slasast á baki eftir að lögreglumenn skelltu honum utan í vegg.

Dómari hlustaði ekki á þetta og bað þá Annþór og Börk að taka niður andlitsgrímur sínar svo að hægt væri að staðfesta að þeir væru sannarlega viðstaddir réttarhaldið. Þeir gerðu það og aðalmeðferðin hófst.