Ætla ekki að vera hefðbundnir stjórnmálamenn

Í nýjum samstarfssamning bæjarstjórnar í Grindavík kemur fram að ekki verði unnið eftir hefðbundnum vinnubrögðum í stjórnmálum þar sem meirihluti keyrir mál í gegn í krafti fjöldans án aðkomu minnihluta. Þetta kemur fram á fréttavef Víkurfrétta.

Mál verða leyst með aðkomu allra bæjarfulltrúa. Þannig verður áfram unnið eftir þeim vinnubrögðum sem tíðkast hafa í bæjarstjórn Grindavíkur síðustu tvö ár. Mál verða rædd af opnum hug og allar mögulegar leiðir skoðaðar áður en ákvörðun er tekin.