A4 - Office 1 oftast með lægsta verðið

A4 - Office 1 var oftast með lægsta verðið á nýjum og notuðum bókum í verðkönnun ASÍ á skólabókum síðasta þriðjudag. Könnunin tók til 33 nýrra titla og var A4 - Office 1 með ódýrasta verðið á 15 titlum. Forlagið á Fiskislóð var í öðru sæti. Eymundsson var aftur á móti oftast með hæsta verðið.

Af skiptibókamarköðunum þar sem verslað er með notaðar bækur var A4-Office 1 með lægsta verðið í 22 af 23 titlum. Griffill var oftast með hæsta útsöluverðið eða á 19 titlum.

Farið var í 8 verslanir og engin þeirra átti alla titla sem könnunin tók til. Bókabúðin Iðnú átti flesta titla eða 31 af 33.

Verðmunur á bókum milli verslana var allt að 83%. Mesti verðmunurinn var á sögubókinni „Nýir tímar" sem kostaði 5.499 kr. í Eymundsson en 2.999 kr. hjá Griffli.

Námsmenn ættu að hafa hugfast að verð á bókatitlum breytast oft ört hjá verslunum á þessum tíma árs. Þannig getur verðsamanburðurinn gefið allt aðra niðurstöðu á öðrum dögum.