Heilsuefling verðlaunuð

Verzlunarskóli Íslands skaraði fram úr í heilsueflingu á síðasta skólaári að mati Embættis landlæknis. Dómnefnd komst nýverið að þessari niðurstöðu og verður skólanum afhentur verðlaunagripur og peningaverðlaun í dag af Katrínu Jakobsdóttur, mennta- og menningarmálaráðherra.

Að því er fram kemur á vef landlæknis tóku 31 framhaldsskóli þátt í verkefninu Heilsueflandi framhaldsskóli á síðasta skólaári. Verkefnið "byggist á þeirri stefnu að nálgast forvarnir út frá víðtæku og jákvæðu sjónarhorni með það að markmiði að stuðla að vellíðan og auknum árangri allra í skólasamfélaginu, nemenda og starfsfólks," eins og segir á vef embættisins. Höfuðáhersla verkefnisins er á fjögur viðfangsefni, næringu, hreyfingu, geðrækt og lífsstíl.

- sbt