Spjallaði í símann á ofsahraða

Lögreglan á Suðurnesjum rannsakar nú þjófnað á níu steypumótum og 70 byggingartjökkum sem stolið var í Grindavík fyrr í sumar. Mótunum og tjökkunum hafði verið komið fyrir til geymslu á lóð. Þegar til átti að taka fannst hvorki tangur né tetur af þeim. Þeir sem kunna að hafa upplýsingar um málið eru beðnir að hafa samband við lögregluna á Suðurnesjum í síma 420-1800.

Þá óku fjórir ökumenn yfir löglegum hámarkshraða á Reykjanesbraut í vikunni. Sá sem hraðast ók mældist á 150 kílómetra hraða. Þegar höfð voru afskipti af ökumanninum kom í ljós að hann hafði auki ekki spennt bílbelti og talaði í síma meðan á akstrinum stóð.