Russell Crowe spilar meðal annars á Gamla Gauknum í kvöld

Stórleikarinn og tónlistarmaðurinn Russell Crowe mun ásamt samstarfsfélaga sínum, Alan Thomas Doyle, koma fram á afmælisballi Gamla Gauksins á Menningarnótt. Þetta er líklega í fyrsta skiptið sem stórstjarna úr kvikmyndageiranum heldur tónleika á Menningarnótt í Reykjavík.

Russell og Alan munu stíga á svið strax eftir flugeldasýninguna í kvöld. Þá tilkynnti Russell Crowe á Twitter síðu sinni gærkvöldi að í heildina muni hann og Doyle halda þrenna tónleika á Menningarnótt en staðsetning hinna tveggja verði kynnt síðar.

Tilefni Menningarnætur dansleiks Gamla Gauksins er eins árs enduropnunarafmæli staðarins. Að því tilefni er öllum landsmönnum 20 vetra og eldra boðið frítt inn á skemmtunina.