Arnar vann aftur í heilu maraþoni

Metfjöldi þátttakenda tók þátt í Reykjavíkurmaraþoninu í morgun en yfir þrettán þúsund manns hlupu hinar ýmsu vegalengdir. Arnar Pétursson sigraði annað árið í röð í heilu Maraþoni eftir ótrúlegan endasprett. Arnar var tæpri einni og hálfri mínútu á eftir Piotr Karolczak frá Póllandi þegar fimm kílómetrarar voru eftir. Arnar kom í mark á tveimur klukkustundum, 41 mínútu og tveimur sekúndum og var 10 sekúndum á undan næsta manni.

Þorbergur Ingi Jónsson kom fyrstur karla í mark í hálfu maraþoni en hann lauk hlaupinu á einum klukkutíma, níu mínútum og 23 sekúndum en hjá konunm var það Marta Ernsdóttir sem kom í mark á einum klukkutíma, 22 mínútum og 55 sekúndum.