Tveir hlauparar fluttir á sjúkrahús

Það er töluverður reytingur hjá slökkviliðnu á höfuðborgarsvæðinu en samkvæmt varðstjóra þá hefur Menningarnótt gengið stóráfallalaust fyrir sig enn sem komið er.

Mikið hefur verið að gera í sjúkraflutningum í dag, meðal annars þurfti að flytja tvo hlaupara í Reykjavíkurmaraþoninu á spítala í morgun. Annar þeirra virðist hafa snúið sig illa en hinn gekk ansi nærri sér í hlaupinu eins og varðstjóri slökkviliðsins orðar það.

Aðgengi slökkviliðsins að miðborginni hefur hingað til verið ágætt að sögn varðstjóra en það mun reyna ennfrekar á það nú síðdegis.

Fólk er hvatt til þess að leggja bílum sínum löglega, sem sagt ekki uppi á stéttum, en borið hefur á því undanfarin ár að slökkviliðið hafi ekki komist á slysstaði vegna bíla sem hefur verið lagt ólöglega. Það er því afar mikilvægt að ökumenn hafi þetta í huga.