Eggert spenntur fyrir N1
Eggert Benedikt Guðmundsson, fráfarandi forstjóri HB Granda, er spenntur fyrir starfinu sem hann tekur við sem forstjóri N1 í sumarlok. N1 höfðu sambandi við Eggert og buðu honum starfið sem hann og þáði og segir þar með skilið við HB Granda.
Eggert segir að honum hafi líkað vel að vinna hjá HB Granda og veit ekki til þess að menn þar á bæ hafi viljað losna við hann. Ástæðan fyrir því hann ákveður að söðla um er bara sú að hann er spenntur fyrir nýjum starfsvettvangi.
Eggert er enn viðloðandi kontórinn á HB Granda og verður út júlí. Hann tekur svo við starfinu hjá N1 í byrjun september. Hann sér ekki fyrir sér að með tilkomu sinni muni N1 breytast sérstaklega. „Fyrirtækið er vel rekið eins og er og ég mun bara stefna að því að halda því áfram," segir hann.
Tengdar fréttir
Forstjóri HB Granda hættir störfum um mánaðarmótin
Eggert Benedikt Guðmundsson, forstjóri HB Granda hf., hefur ákveðið að láta af störfum. Þetta kemur fram í fréttatilkynningu á heimasíðu fyrirtækisins. Eggert hefur starfað hjá HB Granda um árabil. Hann var markaðsstjóri félagsins frá júlí 2004 til febrúar 2005 er hann sast í forstjórastólinn. Eggert mun láta af störfum þann 31. júlí. Hann mun þá hefja störf
Eggert hættir sem forstjóri HB Granda
Eggert Benedikt Guðmundsson, forstjóri HB Granda hf., hefur ákveðið að láta af störfum hjá HB Granda hf.
Forstjóraskipti hjá N1
Hermann Guðmundsson hættir sem forstjóri N1 og við starfinu tekur Eggert Benedikt Guðmundsson fyrrverandi forstjóri útgerðarfyrirtækisins HB Granda. Þetta staðfestir Margrét Guðmundsdóttir, stjórnarmaður N1.
Hermann fær fyrsta almennilega sumarfríið í 18 ár
Hermann Guðmundsson, fyrrverandi forstjóri N1, vissi ekki að til stæði að segja honum upp. Hann fékk uppsagnabréf í morgun. "Það leið ekkert yfir mig," segir hann. "Þetta er bara eitthvað sem allir forstjórar þurfa að búa við. Það eru nýlega búnar að eiga sér stað eignabreytingar í félaginu og þá er þetta alltaf hlutur sem getur fylgt í kjölfarið."
