Leyndarmál úr herbúðum Facebook opinberuð

Fyrrum starfsmaður Facebook opinberar nokkur óþægileg leyndarmál úr innsta kjarna fyrirtækisins í nýrri bók sem nefnist „The Boys Kings: A journey into the heart of the Social network".

Í bókinni segir hún meðal annars frá lykilorði sem opnaði hönnuðum síðunnar aðgang að síðum allra notenda. Einnig talar hún um skugga-prófíla sem gerðir voru árið 2006 fyrir fólk sem enn hafði ekki skráð sig á síðuna og byggðust á myndum sem vinir þeirra höfðu sett inn. Markmiðið var, að sögn Losse, að búa til gagnagrunn um allt fólk í heiminum.

Katherine Losse var 51. starfsmaður fyrirtækisins og starfaði þar árin 2005 til 2010. Á tímabilinu upplifði hún kynbundið misrétti að eigin sögn. Um skeið var starf hennar falið í að skrifa texta undir nafni Mark Zuckerberg, stofnanda síðunnar.

Í frétt The Huffington post er talað um 13 leyndarmál sem Losse opinberar í bók sinni.