14 ára drengur olli brunanum í Eyjum

14 ára drengur hefur viðurkennt að hafa kveikt í sendibifreið við trésmíðaverkstæði í Vestmannaeyjum.

Drengurinn laumaðist inn í sendibifreið sem stóð á Græðisbraut í Vestmannaeyjum og bar þar eld að aftursæti á fólksbifreið sem var innan í sendibifreiðinni. Afleiðingar þessa urðu miklar. Eldurinn læsti sig um báðar bifreiðarnar og eldtungurnar teygðu sig marga metra upp í loftið. Hársbreydd munaði að eldur bærist inn á trésmíðaverkstæði sem var þarna nálægt. Það hefði haft í för með sér milljóna tjón.

Strákurinn var einn að verki. Hann var tekinn til yfirheyrslu vegna málsins hjá lögreglunni í Vestmannaeyjum í dag. Hann viðurkenndi við sama tilefni að hafa deytt fiska í fiskabúri á svokölluðu Viktartorgi.