Steingrímur J. Sigfússon segist sleginn yfir útspili LÍÚ

2. júní 2012 16:59

„Ég er ansi hugsi og sleginn yfir þessum síðasta útspili LÍÚ," segir Steingrímur J. Sigfússon, sjávarútvegsráðherra, um boðaða vinnustöðvun skipaflota aðildarfélaga LÍÚ, sem var tilkynnt um í dag. Steingrímur segist líta á útspilið sem einhverskonar yfirlýsingu um að LÍÚ telji sig hafa tapað rökræðunni.

„Þetta eru ekki heppilegustu aðgerðirnar til rökræða og skoðanaskipta," bætir Steingrímur við.

Steingrímur segir ennfremur að honum þyki dapurlegt að LÍÚ varpi skugga sínum yfir lögbundinn frídag sjómanna með þessum aðgerðum. „Einnig slær það mig undarlega að þeir ætli í skjóli þessara aðgerða standa fyrir lokuðum fundum til þess að koma sjónarmiðum sínum gegn stjórnvöldum áleiðis til sjómanna," segir Steingrímur og bætir við: „Ég held að þeir þyrftu að gæra sín að beita ekki afli sínu af svo miklum krafti að það gangi fram af þjóðinni."

Steingrímur segir að þetta séu ekki samskipti sem menn vilja hafa uppi í lýðræðissamfélögum en ríkisstjórnin reyni að láta þetta valda sem minnstum truflunum.

„Við látum þetta ekki slá okkur út af laginu," segir Steingrímur sem vonast til þess að áhrifin verði sem minnst. „Þeim hlýtur samt að vera ljós sú ábyrgð sem þeir axla með þessu og eiga við síðan viðsemjendur sem og aðra," segir Steingrímur að lokum.

Tengdar fréttir

Skipin verða í höfn í viku - vilja breiða sátt um kvótafrumvörp

"Við erum að tala um að nota næstu viku til þess að fara yfir stöðu málsins með starfsmönnum útgerðanna og fleiri aðilum sem málið varðar,“ segir Friðrik J. Arngrímsson, framkvæmdastjóri Landssambands íslenskra útvegsmanna (LÍÚ) en nær allur skipafloti Íslands mun ekki halda til veiða á mánudaginn í mótmælaskyni við frumvörp ríkisstjórnarinnar um stjórn fiskveiða og veiðigjöld og eru til meðferðar á Alþingi núna.

2. júní 2012 14:29

Skipafloti íslands fer ekki til veiða á mánudaginn í mótmælaskyni

LÍÚ hefur beint því til félagsmanna sinna að halda ekki til veiða á mánudaginn, daginn eftir sjómannadaginn. Þannig hafa Landssamband íslenskra útvegsmanna og aðildarfélög þess, Útvegsmannafélag Austfjarða, Útvegsmannafélag Akraness, Útvegsmannafélag Hafnarfjarðar, Útvegsbændafélagið Heimaey, Útvegsmannafélag Hornafjarðar, Útvegsmannafélag Norðurlands, Útvegsmannafélag Reykjavíkur, Útvegsmannafélag Snæfellsness, Útvegsmannafélag Suðurnesja, Útvegsmannafélag Vestfjarða, Útvegsbændafélag Vestmannaeyja og Útvegsmannafélag Þorlákshafnar hafa gert eftirfarandi samþykkt að halda ekki til veiða eftir helgi.

2. júní 2012 13:15

Björn Valur segir ákvörðun LÍÚ og aðildarfélaga ógeðfellda

"Í fyrsta lagi finnst mér þetta afar ógeðfellt af þeirra hálfu, sérstakleg í ljósi þess að þeir eru að nýta sér lögbundin frídag og hátíðardag sjómanna í þeim tilgangi að beita sjómönnum fyrir sér í þessari deilu,“ segir Björn Valur Gíslason, þingflokksformaður Vinstri grænna um ákvörðun LÍÚ og aðildarfélög sambandsins um að halda ekki til veiða á mánudaginn eftir sjómannadag.

2. júní 2012 15:53

Mest lesið

Fleiri fréttir