Sjómannadagurinn haldinn hátíðlegur

Sjómannadagurinn er haldinn hátíðlegur um allt land í dag. Fjölbreytt dagskrá er víða í boði. Hægt verður að skella sér í lundaskoðun, hlusta á ljúfa tóna og smakka makríl og loðnu svo eitthvað sé nefnt.

Nú klukkan tíu hófst athöfn við Minningaröldur Sjómannadagsins í Fossvogskirkjugarði.

Flutt verða ritningarorð og bæn og látinna sjómanna minnst. Hátíðardagskrá Sjómannadagsráðs hefst svo klukkan tvö. Þar munu Steingrímur J. Sigfússon, sjávarútvegsráðherra, og Eggert Guðmundsson, forstjóri HB Granda, flytja ávörp og sjómenn verða heiðraðir.

Hér má svo nálgast dagskrána á Akureyri, Grindavík, Patreksfirði, Reykjavík og Fjarðabyggð.