ASÍ íhugar að stefna LÍU

Alþýðusambandið telur útvegsmenn hafa farið langt út fyrir það sem skynsamlegt getur talist með ákvörðun sinn um binda flotann við bryggju. Ákall til stjórnvalda segir framkvæmdastjóri LÍÚ sem vonar að ekki þurfi að koma til frekari aðgerða.

„LÍÚ gerir ráð fyrir að rúmlega 200 skip, eða 3500 til 4000 sjómenn sigli ekki til veiða í þessari viku," segir Friðrik J. Arngrímsson, framkvæmdastjóri LÍÚ. „Bæði forsætisráðherra og ASÍ segja aðgerðirnar ólöglegar en útvegsmenn eru á öðru máli."

„Hér er ekki um vinnustöðvun að ræða í skilningi laga um stéttafélög um vinnudeilur. Þetta er ekki verkbann þannig að þetta er ekki vinnustöðvun og þar að leiðandi getur hún ekki orðið ólögmæt," segir Halldór Grönvold, framkvæmdastjóri ASÍ.

ASÍ segir aðgerðirnar hins vegar félagslegar.

„Og samkvæmt lögum um stéttarfélög og vinnudeilur, 17 grein, þá eru slíkar aðgerðir í pólitískum aðgerðum bannaðar," segir Halldór.

„Ég skil reyndar ekki að ASÍ skuli ekki skipa sér á bekk með sjómönnum og fiskverkafólki í þessu samhengi vegna þess að þau frumvörp sem liggja fyrir munu koma mjög við kjör þessara aðila," segir Friðrik.

„Við teljum að við höfum verið í því með því sem við höfum verið að gera síðustu vikur og mánuði," segir Halldór. „Við teljum hins vegar að LÍÚ með sínum aðgerðum séu farnir langt út fyrir það sem hóflegt getur talist eða skynsamlegt."

„Alls ekki," segir Friðrik. „Þetta er okkar ákall til stjórnvalda um það að setjast niður og vinna þetta með vönduðum hætti og á breiðum grundvelli."

En er þetta rétta leiðin? „Auðvitað vildum við að ekki hefði þurft að koma til þessa," segir Halldór. „Og auðvitað vonumst við til að það þurfi ekki að koma til enn frekari aðgerða."

Halldór segir ASÍ áskilja sér rétt til málshöfðunar til heimtu skaðabóta og sekta leiði aðgerðirnar til þess að launafólk tapi af þeim.

„Það er hætt við því ef LÍÚ mun standa við að stöðva flotann alla þessa viku, þá muni það einhversstaðar koma niður á starfseminni í fiskvinnslustöðvunum," segir Halldór. „Það er eiginlega alveg augljóst mál."