Ferðamaðurinn á leið til Reykjavíkur

Erlendi ferðamaðurinn sem sendi neyðarboð frá Skeiðarárjökli fyrr í dag er nú á leið með þyrlu Landhelgisgæslunnar til Reykjavíkur. Ekki er vitað um ástand mannsins en hann er ekki talinn vera mikið slasaður.

Samkvæmt upplýsingum frá Landsbjörg fóru björgunarsveitarmenn með þyrlunni á staðinn og voru settir út í Freysnesi til að létta þyrluna þegar í ljós koma að ekki var hægt að lenda hjá manninum og hífa hann upp.

Björgunarsveitum frá Höfn, Kirkjubæjarklaustri og Öræfum, sem voru á leið á staðinn hefur verið snúið við.