Pappírstunna fyrir Mosfellinga

Mosfellingar fá nú bláa pappírsruslatunnu við hvert heimili. Framvegis munu því íbúar hafa tvær tunnur við heimili sín.

Bláa tunnan er fyrir allan pappírsúrgang, s.s. dagblöð, tímarit, fernur o.fl. Fyrsta blátunnan var afhent í byrjun vikunnar. Markmiðið er að auka þjónustu við íbúa, auka endurvinnslu og draga úr úrgangi sem fer til urðunar.

„Með þessu átaki mun Mosfellsbær skipa sér í sess með þeim sveitarfélögum sem tekið hafa af skarið í umhverfismálum," segir Haraldur Sverrisson bæjarstjóri.