Aðalheiður Rósa varði titilinn

Aðalheiður Rósa Harðardóttir, Breiðabliki, og Kristján Helgi Carrasco, Víkingi, báru sigur úr býtum á Íslandsmótinu í kata sem fór fram í Hagaskóla nú um helgina.

Aðalheiður Rósa átti titil að verja á mótinu og hafði betur gegn liðsfélaga sínum úr Breiðabliki, Svönu Kötlu Þorsteinsdóttur, í úrslitunum. Í karlaflokki mættur Kristján Helgi og Davíð Freyr Guðjónsson, Breiðabliki, og vann sá fyrrnefndi.

Breiðablik varð Íslandsmeistari félaga með tíu stig en næsta félag á eftir var með tíu stig. Breiðablik varð einnig meistari í hópkata karla og kvenna.