Vonandi líkar ykkur eigið meðal!

Tölvuþrjótasamtökin Anonymous réðust á vefsíður opinberra stofnanna í Bandaríkjunum í dag. Skemmtanaiðnaðurinn þar í landi varð einnig fyrir árásum.

Árásirnar voru boðaðar eftir að alríkislögreglan í Bandaríkjunum lokaði skráarskiptasíðunni Megaupload í gær. Eigendur síðunnar hafa verið kærður fyrir brot á höfundarréttarlögum.

Anonymous lokaði fyrir aðgang að vefsíðum Dómsmálaráðuneytis Bandaríkjanna, Alríkislögreglunnar og Universal Music Group. Vefsíður Kvikmyndasambands Bandaríkjanna og plötuútgefandans EMI urðu einnig fyrir árásunum.

Anonymous storkaði síðan alríkislögreglunni á samskiptasíðunni Twitter: „Ykkur líkar vonandi eigið meðal!"