Banaslys í Silfru

Íslenskur karlmaður á fertugsaldri lést við köfun í Silfru fyrr í dag. Maðurinn var vanur köfun og hafði verið á eigin vegum við annan mann að kafa í Silfru.

Eins og Vísir greindi frá fyrr í dag varð alvarlegt köfunarslys í Silfru. Kafarinn var á um 40 metra dýpi þegar eitthvað óvænt kom uppá. Félagi hans fór þegar niður og kom honum upp á yfirborðið þar sem hafnar voru lífgunartilraunir. Þær báru ekki árangur og maðurinn var úrskurðaður látinn.

Félagi hans var einnig fluttur með sjúkrabifreið á Landspítalann í Fossvogi vegna gruns um köfunarveiki.

Lögreglan á Selfossi fer með rannsókn málsins en ekki liggur fyrir hvað gerðist. Sérsveitarmenn frá ríkislögreglustjóra, sérfræðingar Langhelgisgæslu og köfunarsveit Slökkviliðs höfuðborgarsvæðisins komu á staðinn til að nálgast köfunarbúnaðinn sem varð eftir á botni Silfru.