Nyrsta hlaup landsins

Fyrsta almenningshlaupið sem efnt hefur verið til í Grímsey verður 8. september næstkomandi. Það verður því nyrsta hlaup sem nokkurn tíma hefur verið hlaupið á Íslandi.

Tvær vegalengdir verða í boði, annars vegar einn hringur um eyjuna og hins vegar tveir hringir, en hver hringur er 12 km. Tímataka verður í báðum leiðunum og drykkjarstöðvar á leiðinni. Ræst verður í hlaupið kl. 11.00 að morgni laugardagsins 8. september við félagsheimilið í Grímsey.

Skráning er í hlaupið á vefnum hlaup.is. Skráningu lýkur föstudaginn 31. ágúst og ekkert skráningargjald er í hlaupið.

Hægt er að komast til Grímseyjar með ferjunni Sæfara og með flugi með Norlandair og Flugfélagi Íslands.