Forsetinn neitar að fara

Laurent Gbagbo forseti Fílabeinsstrandarinnar neitar að fara frá völdum þrátt fyrir hótanir Afríkuríkja um hernaðaríhlutun. Sameinuðu þjóðirnar hafa viðurkennt Alassane Ouattara sem forseta landsins eftir kosningar í nóvember. Gbagbo heldur hinsvegar dauðahaldi í forsetastólinn. Og hann nýtur stuðnings hersins.

Forsetar og forsætisráðherrar fimm Afríkuríkja komu til landsins í gær til þess reyna að fá hann til þess að draga sig í hlé. Þeir tilkynntu í dag að ekkert hefði komið út úr þeim viðræðum. Efnahagssamtök Vestur-Afríkuríkja hafa hótað að senda herlið til landsins til þess að koma honum frá.