Geislavirkt kranavatn í Tókíó

Heilbrigðisyfirvöld í Tókíó vara nú við því að geislamengun í kranavatni borgarinnar sé svo mikil að ungabörn megi alls ekki drekka það. Sumstaðar í borginni er mengunin tvöföld á við það sem eðlilegt getur talist.

Þá hefur verið sett bann við dreifingu á matvöru sem upprunin er á Fukushima svæðinu, þar sem enn er barist við að kæla kjarnakljúfa sem fóru illa í jarðskjálftanum á dögunum. Yfirvöld árétta að engin hætta sé fyrir fullorðið fólk að drekka vatnið en að ungabörn verði að forðast það.