Þriðja umræða Icesave hafin á þingi

Þriðja umræða um Icesave frumvarpið er hafin á Alþingi en þingmenn ræddu störf þingsins áður en til hennar kom. Afbrigði voru samþykkt svo leggja mætti fram breytingartillögu í málinu sem gerir ráð fyrir því að þjóðin greiði atkvæði um málið að lokum.

Þá var tillögu um aukinn ræðutíma í málinu hafnað af forseta Alþingis sem gerði síðan hlé á fundi til þess að funda með formönnum þingflokka.

Að þeim fundi loknum sagði forseti þingsins að samkomulag hafi náðst um að talsmenn minnihluta sem voru með nefndarálit í viðskiptanefnd 25 mínútur hvor til þess að koma sínum sjónarmiðum á framfæri.

Umræðan hófst hinsvegar á því að framsögumenn þeirra nefnda sem að málinu komu fluttu ræður sínar.

Gert er ráð fyrir því að atkvæði verði greidd um málið fyrir helgi. Ríflega 21 þúsund manns hafa nú skrifað undir áskorun til forseta Íslands um að vísa málinu í þjóðaratkvæðagreiðslu.