Viðskipti innlent

Fjárhagsáhætta Íslendinga takmörkuð

Jón Hákon Halldórsson skrifar
Árni Páll Árnason segir að Íslendingar geti borið höfuðið hátt.
Árni Páll Árnason segir að Íslendingar geti borið höfuðið hátt.
Fjárhagsahætta Íslendinga í Icesavemálinu er mjög takmörkuð, öfugt við það sem áður var, sagði Árni Páll Árnason, efnahags- og viðskiptaráðherra, við upphaf þingfundar í dag. Hann benti á að Hæstiréttur hafi kveðið á um það að allir innistæðueigendur njóti forgangs á kröfur í þrotabú Landsbankans.

Árni Páll benti á að slitastjórn Landsbankans hafi tilkynnt að það muni vera til peningar fyrir öllum þessum kröfum. „Við getum borðið höfuðið hátt vegna neyðarlaganna. Vegna þeirra eru innistæðueigendur nú að fá greiddr kröfur sínar," sagði Árni Páll.

Árni Páll sagði að gjaldeyrisvaraforði þjóðarinnar við bankahrunið hafi verið þannig að Íslendingar hefðu engan veginn getað staðið skil á þessum greiðslum en með neyðarlögunum hafi hagur allra innistæðueigenda tryggður. „Neyðarlögin tryggja öllum innistæðueigendum forgang," sagði Árni Páll. Hann klykkti út með því að segja að Íslendingar gætu borið höfuðið hátt vegna viðbragða við fordæmislausum aðstæðum sem sköpuðust í hruninu.


Tengdar fréttir

Brunabjallan í gang í Seðlabankanum þegar ákvörðun ESA varð ljós

Um það leyti sem ESA gerði ljósa ákvörðun sína um að stefna Íslandi vegna Icesave-deilunnar var blaðamannafundur í Seðlabankanum þar sem nýtt rit bankans sem ber heitið Fjármálastöðugleiki var kynnt. Þar fór Már Guðmundsson yfir stöðuna og sagði hana hafa styrkst frá því ritið kom síðast út í vor. Már sagði þó að ástandið væri enn viðkvæmt ekki síst í ljósi ástandsins á mörkuðum í Evrópu.

ESA stefnir Íslandi

ESA, Eftirlitsstofnun EFTA, hefur ákveð að stefna Íslandi vegna Icesave deilunnar. Fundur í utanríkismálanefnd hefur verið boðaður klukkan tíu, en hann var boðaður með þriggja kortera fyrirvara. Við segjum nánar frá málinu í dag. Eins og kunnugt er ákváðu Íslendingar að hafna samningum við Breta og Hollendinga fyrr á árinu eftir að Ólafur Ragnar Grímsson skaut málinu til þjóðarinnar.

Íslendingar verða að þétta vörnina

"Þetta er ekkert sem kemur á óvart í sjálfu sér. Nú er bara að þétta vörnina," segir Jóhannes Karl Sveinsson hæstaréttarlögmaður sem átti sæti í samninganefnd Íslands vegna Icesave málsins. Hann segir að ákvörðunin sem ESA, Eftirlitsstofnun EFTA, tilkynnti í morgun um að höfða mál gegn Íslandi fyrir EFTA dómstólnum sé endapunktur á málsmeðferð sem sé búin að vera í gangi hjá ESA síðan í maí í fyrra.

ESA: Íslendingar verða að tryggja greiðslur að fullu

ESA, Eftirlitsstofnun EFTA, segir að þrátt fyrir að þrjú ár séu liðin frá því að Icesave reikningunum hafi verið lokað sé Ísland enn ekki búið að tryggja greiðslu lágmarkstryggingar upp að 20 þúsund evrum, samkvæmt tilskipun Evrópusambandsins. Tilskipunin leitist við að auka traust neytenda/innstæðueigenda á bankakerfinu ef bankastofnanir verði gjaldþrota. Bankakerfið byggir á trausti og tiltrú neytenda og tilskipunin hefur mikilvægu hlutverki að gegna í því sambandi.

Þingfundi frestað

Þingfundi, sem átti að hefjast klukkan hálfellefu í morgun, hefur verið frestað. Ástæða frestunarinnar er ákvörðun ESA, Eftirlitsdómstóls EFTA, um að stefna Íslandi fyrir EFTA dómstólnum vegna Icesave deilunnar. Utanríkismálanefnd Alþingis var boðuð til fundar klukkan tíu til að ræða ákvörðun ESA og stendur sá fundur enn.



Mest lesið


Fleiri fréttir

Sjá meira


×

Mest lesið