Myndband: Þjálfararnir „hlupu“ upp 23 hæðir

Þeir Ágúst Þór Jóhannsson og Gústaf Adolf Björnsson gerðu sér lítið fyrir og hlupu upp 23 hæðir á hóteli íslenska kvennalandsliðsins í Santos í Brasilíu.

Það gerðu þeir því þeir voru búnir að lofa leikmönnum að taka þetta erfiða tröppuhlaup ef Ísland myndi vinna Þýskaland - sem og stelpurnar gerðu með glæsibrag á miðvikudagskvöldið.

Eins og sjá má á meðfylgjandi myndbandi var hlaupið á heldur misjöfnum hraða en þeir skiluðu sér þó á endanum alla leið á 23. hæð á aðeins fimm mínútum og 30 sekúndum eða svo.

Sjón er sögu ríkari.