Gerplustelpur Norðurlandameistarar í hópfimleikum

Gerpla tryggði sér rétt áðan sigur í keppni kvenna á Norðurlandamótinu í hópfimleikum sem haldið er í Larvik í Noregi. Gerplustelpur urðu einmitt Evrópumeistarar fyrir ári síðan og náðu að vinna í Noregi þrátt fyrir að það væru nokkur forföll í liðinu.

Gerplustelpur sýndu styrk sinn með góðu móti en Íris Mist Magnúsdóttir, aðalstjarna liðsins, gat ekki verið með vegna meiðsla sem hún varð fyrir á dögunum.

Fyrr í morgun lenti sameiginlegt lið Stjörnunnar og Ármanns í þriðja sæti keppni blandaðra flokka.  Í fyrsta sæti þar var lið frá Ollerup þar sem þrjár íslenskar stúlkur voru hluti af liðinu.