Íslandsmet, metþátttaka og rjómablíða í Reykjavíkurmaraþoninu

Arnar Pétursson og Veronika Sigríður Bjarnadóttir sigruðu í Reykjavíkurmaraþoninu sem fram fór í blíðskaparveðri á laugardaginn. Þátttökumet var sett auk þess sem Kári Steinn Karlsson setti Íslandsmet í hálfmaraþoni.

Arnar hljóp maraþonið á 2:44:18 en Veronika á 3:02:42. Auk sigurs í hlaupinu eru þau Arnar og Veronika Íslandsmeistarar í maraþoni.

Kári Steinn Karlsson setti Íslandsmet í karlaflokki í hálfmaraþoni þegar hann bætti 25 ára gamalt Íslandsmet Sigurðar Péturs Sigmundssonar. Kári hljóp á tímanum 1:05:35. Rannveig Oddsdóttir, sigurvegari í maraþoninu í fyrra, kom fyrst í mark í kvennaflokki á tímanum 1:24:05.

Í 10 km hlaupi komu Arndís Ýr Hafþórsdóttir og Þorbergur Ingi Jónsson fyrst í mark. Þau tryggðu sér um leið sigur á Powerade-mótaröðinni 2011 en hlaupið var það fimmta og síðasta í röðinni.

Þátttökumet var slegið í hlaupinu í dag því 12.481 voru skráðir til leiks í öllum vegalengdum. Latabæjarhlaupið var fjölmennast en 3.428 krakkar tóku þátt.

Öll úrslit má sjá á heimasíðu mótsins.

Efstu þrjú sætin í keppnisflokkunumMaraþon karla

1. Arnar Pétursson 2:44:18

2. Lazloe Boden (Bretland) 2:45:57

3. Sergio Minder (Sviss) 2:46:30

Maraþon kvenna

1. Veronika S. Bjarnardóttir 3:02:42

2. Þuríður Guðmundsdóttir 3:06:55

3. Brit Eyrich (Þýskaland) 3:08:14

Íslandsmeistaramót karla

1. Arnar Pétursson 2:44:18

2. Þorlákur Jónsson 2:51:07

3. Þórir Magnússon 2:59:28

Íslandsmeistaramót kvenna

1. Veronika S. Bjarnardóttir 3:02:42

2. Þuríður Guðmundsdóttir 3:06:55

3. Margrét Elíasdóttir 3:12:35

Hálfmaraþon karla

1. Kári Steinn Karlsson, 1:05:35

2. Daniel Chuchala, Póllandi, 1:09:31

3. Eduardo C Mora, Spánn, 1:14:18

Hálfmaraþon kvenna

1. Rannveig Oddsdótir, 1:24:05

2. María Kristín Gröndal 1:24:58

3. Maria Heinrich (Þýskaland) 1:27:58

10 km hlaup karla

1. Þorbergur Ingi Jónsson, 32:37

2. Michael Hill, Bandaríkjunum, 33:25

3. Tómas Zoëga Geirsson 34:43

10 km hlaup kvenna

1. Arndís Ýr Hafþórsdóttir, 39:30

2. Fríða Rún Þórðardóttir, 41:30

3. Svava Rán Guðmundsdóttir, 41:35

Boðhlaup

1. Benedikt, Óskar, Daníel og Bergþór, 2:47:28

2. Melissa og Eugene (Bandaríkjunum), 3:06:21

3. Ingibjörg, Sigríður og Hörður, 3:10:48