Nadal og Federer mætast í úrslitum á opna franska

Það verða Roger Federer og Rafael Nadal sem mætast í úrslitum opna franska meistaramótsins í tennis á Roland Garros.

Nadal vann auðveldan sigur á Andy Murray fyrr í dag og Federer batt síðan enda á 43 leikja sigurgöngu Novak Djokovic í kvöld.

Sigur Federer var síður en svo auðveldur enda tók tæpa fjóra tíma að klára leikinn.

Federer er í leit að sínum 17. risatitli og hann er kominn í úrslit á þessu móti í fimmta sinn á síðustu sex árum.

Þetta er draumaúrslitaleikur flestra tennisáhugamanna.