Innlent

Einn maður og eitt atkvæði

Pawel Bartoszek, fulltrúi í stjórnlagaráði, er formaður C-nefndar. Verkefni nefndarinn eru: stjórnlagaráð, lýðræðisleg þátttaka almennings, sjálfstæði dómstóla og eftirlit þeirra með öðrum handhöfum ríkisvalds, alþingiskosningar, kjördæmaskipan og alþingismenn, samningar við önnur ríki og utanríkismál. Mynd/Daníel Rúnarsson
Pawel Bartoszek, fulltrúi í stjórnlagaráði, er formaður C-nefndar. Verkefni nefndarinn eru: stjórnlagaráð, lýðræðisleg þátttaka almennings, sjálfstæði dómstóla og eftirlit þeirra með öðrum handhöfum ríkisvalds, alþingiskosningar, kjördæmaskipan og alþingismenn, samningar við önnur ríki og utanríkismál. Mynd/Daníel Rúnarsson
Sú nefnd stjórnlagaráðs sem fjallar um kjördæmaskipan og þingkosningar leggur til talsverðar breytingar á fyrirkomulagi kosninga til Alþingis og vill að atkvæði kjósenda alls staðar á landinu vegi jafnt líkt og þjóðfundur lagði mikla áherslu á. Allar nefndir ráðs kynna tillögur um breytingar á stjórnarskránni á 12. fundi stjórnlagaráðs í dag.



Umrædd nefnd, C-nefnd, leggur auk þess til að í lögum að tiltekinn fjöldi þingsæta verði bundinn kjördæmum en þó aldrei fleiri en 2/5 hluta þeirra. Þá er lagt til að þingmenn verði kosnir með persónukjöri á landsvísu, þar sem kjósendum er heimilt að kjósa bæði þvert á lista og merkja við frambjóðendur í öðrum kjördæmum. Kjördæmi eiga að vera eitt til átta en ein hugmynd nefndarinnar gengur út frá að þau verði fimm. Þá er lagt til að setja megi í lög ákvæði um lágmarkshlutfall karla og kvenna á þingi.



Nánar er hægt að lesa um tillögur C-nefndar sem og A- og B-nefndar hér. Fundur stjórnlagaráðs hefst klukkan 13 og er hægt að fylgjst með fundinum í beinni útsendingu á vefsíðu ráðsins.

Tengd skjöl



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.