Heimsækir flóðasvæðin í Pakistan

Ban Ki-moon, framkvæmdastjóri Sameinuðu þjóðanna, heimsækir Pakistan um helgina en hrikaleg flóð hafa valdið gríðarlegu tjóni í landinu að undanförnu. Raza Gilani, forsætisráðherra landsins, sagði í ávarpi í tilefni þjóðhátíðardags Pakistans fyrr í dag að 20 milljónir manna hafi misst heimili sín í flóðunum en áður höfðu Sameinuðu þjóðirnar sagt að 14 milljónir íbúa landsins væru heimilislausir.

Ban Ki-moon mun heimsækja flóðasvæðið og ræða við leiðtoga landsins um næstu skref en forsætisráðherran og stjórnvöld hafa legið undir ámæli fyrir slæleg vinnubrögð og hafa brugðist of seint við.