Nýtt Ísland vakti Björgólf: Hann er saklaus sagði dyrasíminn

Bankað var að dyrum hjá Björgólfi Guðmundssyni samkvæmt tilkynningu frá samtökunum Nýtt Ísland. Kona svaraði í dyrasíma og sagði að Björgólfur "væri saklaus og þetta væri Propaganda ríkisstjórnar Íslands, það væru þeir sem sigldu öllu í kaf".

Þetta kemur fram í tilkynningu Nýs Íslands.

Samtökin buðu upp Fríkirkjuveg 11 sem er í eigu sonar Björgólfs, Björgólfs Thors.

Þá fór svokölluð vakningarlest Nýs Íslands heim tiol Jóhönnu Sigurðardóttur, forsætisráðherra, og minntu hana á að mæta á kosningastað og kjósa um Icesave samninginn. Jóhann var ekki heima að því er virtist samkvæmt tilkynningu samtakanna.