Innlent

Baldur: Ég lýsi mig saklausan

Baldur Guðlaugsson, til vinstri, ásamt verjanda sínum Karli Axelssyni.
Baldur Guðlaugsson, til vinstri, ásamt verjanda sínum Karli Axelssyni. MYND/GVA

Baldur Guðlaugsson fyrrverandi ráðuneytisstjóri fjármálaráðuneytisins lýsti sig saklausan við þingfestingu ákæru á hendur honum í morgun. Hann er ákærður fyrir meint innherjasvik og brot í opinberu starfi.

Guðjón Marteinsson, héraðsdómari, óskaði eftir afstöðu Baldurs til sakarefnisins og sagðist Baldur saklaus. Þegar dómari spurði hvort hann vildi tjá sig um sakargiftir að öðru leyti neitaði hann því.

Karl Axelsson verjandi Baldurs óskaði eftir átta vikna fresti til að skila greinargerð í málinu. Guðjón Marteinsson féllst ekki á það og veitti sex vikna frest en næsta fyrirtaka í málinu verður föstudaginn 10. desember næstkomandi.

Verjanda Baldurs lék forvitni á að vitna hvort fjölskipaður dómur yrði skipaður í málinu og hvort hann yrði skipaður sérfróðum meðdómsmönnum. Guðjón sagðist ekki geta svarað því að svo stöddu, það yrði að koma í ljós.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið