Erlent

Fór nafnavillt í samförum

Óli Tynes skrifar
Joanne og Gary.
Joanne og Gary.

Fjörutíu og fjögurra ára gamall breskur maður hefur verið dæmdur í lífstíðarfangelsi fyrir að myrða fjörutíu og eins árs gamla sambýliskonu sína.

Morðið framdi hann eftir að hún hrópaði nafn annars manns meðan þau voru að hafa samfarir.

Joanne Kitchen og Gary Higgs hittust á Facebook árið 2009 meðan bæði voru í sambúð. Þau tóku saman og fluttu inn í leiguíbúð. Sambúð þeirra gekk svona og svona.

Tvítug dóttir Joanne átti kærasta sem hét Christopher James. Illar grunsemdir munu hafa vaknað með Gary Higgs þegar hann var í rúminu með sambýliskonunni og hún hrópaði: „Chris, fastar."

Hann þaut inn í eldhús og sótti þar hníf sem hann særði Joanne með og kyrkti hana svo með rafmagnssnúru.

Við uppkvaðningu dóms sagði dómarinn að Higgs hefði ekki haft neinar sannanir fyrir því að sambýliskonan hefði haldið framhjá honum. Og jafnvel þótt svo hefði verið hefðu gjörðir hans verið óafsakanlegar.



Erlendar fréttir ársins 2010
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið