Schumacher byrjar vel á æfingum

Michael Schumacher hefur engu gleymt og sýndi það á fyrstu æfingu keppnisliða í Valencia á Spáni.

Hann náði þriðja sæti á eftir Felipe Massa á Ferrari og Pedro de la Rosa á BMW Sauber.

Schumacher ekur með Mercedes liðinu ásamt Nico Rosberg og þeir óku báðir í dag, en æfingin var

sú fyrsta í röð æfinga í vetur fyrir fyrsta mót.

Massa var 0.4 sekúndum á undan Schumacher og er í toppformi, en hann missti af seinni hluta tímabilsins eftir óhapp í Ungverjalandi í fyrra í tímatökum. Hann hefur náð fullum styrk á ný.

Massa ók á 1.12.574, de la Rosa á 1.12.784 og Schumacher á 1.12.947, en Rosberg á 1.13.543.