Fogh varar við niðurskurði til varnarmála

Anders Fogh Rasmussen, framkvæmdastjóri Atlantshafsbandalagsins, varar aðildarríki bandalagsins við því að skera of mikið niður útgjöld til varnarmála.

Hann segist þó, í samtali við breska blaðið Times, gera sér grein fyrir því að aðildarríkin þurfi að hagræða í þessum málaflokki eins og öðrum. Það geti verið erfitt fyrir ríkisstjórnir að réttlæta það fyrir kjósendum að það eigi að skera niður í velferðarmálum, menntamálum og minnka eftirlaun en láta svo varnarmálin standa óhögguð.