Obama: Mistökin að lokum mín

Barack Obama, Bandaríkaforseti, segir að bandarískum yfirvöldum hafi mistekist að vinna úr upplýsingum sem þau bjuggu yfir áður en nígerískur hryðjuverkamaður reyndi um jólin að sprengja flugvél á leið til Bandaríkjanna. Farið verði yfir verklag en mistökin væru á endanum á hans ábyrgð. Forsetinn hefur áður gagnrýnt njósnastofnanir Bandaríkjanna harðlega vegna málsins.

Nígeríumaðurinn Umar Farouk Abdulmutallab var ákærður í gærkvöldi fyrir að reyna að sprengja farþegaþotu með 290 farþega innanborðs í loft upp á jóladag með sprengju sem falin var í nærfötum hans.

Eric Holder, dómsmálaráðherra Bandaríkjanna, segir að rannsóknin málsins sé enn í fullum gangi og að þegar hafi mikilvægar upplýsingar komið fram. Hann lofaði því í gær að allir sem þátt áttu í skipulagningu árásarinnar yrðu sóttir til saka og að til þess verði öll meðul notuð.