Abbas hafnar friðarviðræðum við Ísrael

Mahmoud Abbas forseti palestínumanna hefur synjað beiðni Bandaríkjamanna um að hefja aftur friðarviðræður við Ísrael.

Forsetinn átti í dag fund með George Mitchell, sérlegum sendimanna Obama forseta í Miðausturlöndum.

Abbas setur það skilyrði fyrir viðræðum að Ísraelar frysti allar framkvæmdir í landnemabyggðum á Vesturbakkanum í minnst sex mánuði.

Bandaríkjamenn hafa raunar mjög þrýst á Ísraela um hið sama.

Þessu hafna Ísraelar. Sameinuðu þjóðirnar hafa hinsvegar krafist þess að Ísraelar stöðvi framkvæmdirnar.

Abbas kom með þá tillögu í síðustu viku að Bandaríkjamenn tækju að sér að semja við Ísraela um endanleg landamæri sjálfstæðs ríkis palestínumanna. Hvorki Bandaríkjamenn né Ísraelar hafa brugðist við þeirri tillögu.