Mikið var

Margrét Thatcher barónessa og fyrrverandi forsætisráðherra Bretlands heimsótti David Cameron núverandi forsætisráðherra í Downing stræti 10 í gær.

Það hefur sjálfsagt glatt gömlu járnfrúna að nú situr loks aftur íhaldsmaður í Downing stræti eftir að verkamenn hafa ráðið þar ríkjum síðastliðin þrettán ár.

Raunar var Thatcher hrifin af Tony Blair og heimsótti hann í strætið eftir að Verkamannaflokkurinn vann sigur í þingkosningunum árið 1997.

Fundur þeirra Thatchers og Camerons er sagður hafa verið vinsamlegur og gagnlegur, en ekkert var sagt um hvaða ráð hún hefði gefið nýja forsætisráðherranum.