Erlendur her áratug í viðbót

Leiðtogar sjötíu ríkja komu saman í London í gær til að ræða framtíð Afganistans. Þar var samþykkt að alþjóðlegu hersveitirnar í Afganistan muni byrja að afhenda heimamönnum umsjón með öryggismálum í friðsamari héruðum landsins öðru hvoru megin við næstu áramót.

Reiknað er með að afganski herinn geti innan þriggja ára tekið að sér megnið af hernaðaraðgerðum í þeim héruðum landsins, þar sem ástandið er hvað ótryggast. Hamid Karzai, forseti Afganistans, tók þó fram að væntanlega þurfi erlent herlið að vera áfram í landinu næstu tíu til fimmtán árin.- gb