Veruleg óánægja með skattinn

Talið er að óánægja með skattamál hafi leitt til þess að bandarískur maður flaug eins hreyfils flugvél sinni á stjórnsýslubyggingu í Austin í Texas í gær.

Í því húsi var meðal annars skattstofa fylkisins. Tvennt slasaðist og flugmaðurinn Joseph Stack lét lífið.

Talið er að Stack hafi kveikt í húsi sínu áður en hann flaug á stjórnsýslubygginguna.

Í bréfi sem hann setti á netið áður en hann lagði af stað sagði meðal annars; -Jæja herra stóribróðir skattmann, við skulum prófa eitthvað nýtt. Taktu pund af holdi mínu og sofðu vel.