Vissi ekki af isbirni á landinu sínu

Geir Geirsson, íbúi á Sævarlandi í Þistilfirði, þar sem sást til ísbjörns fyrir um klukkustund síðan, var ekki heima þegar fréttastofa hafði samband við hann.

„Ég vissi ekkert af þessu," sagði Geir þegar blaðamaður spurði hvort hann hefði orðið var við hvítabjörninn á landinu hans. Systir Geirs er aftur á móti heima á Sævarlandi en ekki náðist í hana þrátt fyrir allnokkrar tilraunir.

Tvær skyttur auk lögregluþjóns eru að elta björninn en ekki er ljóst hvernig búist verður við aðstæðunum.

Samkvæmt Umhverfisstofnun er unnið samkvæmt viðbragðsáætlun og eru í sambandi við þar til gerða aðila á svæðinu. Þar fengust þær upplýsingar að verið væri að vinna hlutina hratt.