Á að hafa kosið ölvaður um breytingar á fæðingarorlofi

Meðal þeirra mála sem var kosið um á Alþingi í gær var frumvarp um breytingar á almannatryggingum sem varðar breytingar á fæðingarorlofi. Um það hefur verið deilt nokkuð og málið hlotið allnokkra athygli. Kastljós hélt því fram í kvöld að þingmaður Vinstri grænna, Ögmundur Jónasson, hafi verið ölvaður í þingsal þegar kosningarnar fóru fram.

Fæðingarorlofsmálið vakti hörð viðbrögð en frumvarpið fól fyrst í sér meðal annars að fresta einum mánuði í fæðingarorlofi þar til eftir þrjú ár. Það var hinsvegar fallið frá því að lokum. Þá voru nefndar leiðir eins og lækkun hámarksgreiðslna í 300 þúsund og eða lækkun hlutfalls greiðslna úr 80 prósent launa í 75 prósent.

Þá var einnig kosið um lög varðandi vörmerki og hlutafélög og einkahlutafélög.

Í frétt Kastljóss kom fram að Ögmundur hefði beðist undan viðtali í gær þar sem hann hefði verið undir áhrifum áfengis. Fréttamaður Kastljóss hafði farið sjálfur niður á Alþingi þar sem hann fékk afsvar um viðtal í mynd.

Tilefnið viðtalsins við Ögmund var málefni Verner Holdings og eignarhald Björgólfs Thors Björgólfssonar á félaginu sem hyggst starfrækja gagnaver í Reykjanesbæ. Frétt þess eðlis, og viðbrögð Ögmundar, voru höfð eftir honum í Kastljósi í gær.

Þegar náðist í Ögmund fyrr í kvöld sagðist hann vera á fundi og gat því ekki tjáð sig um málið.