Fótboltakappinn Eiður Smári Guðjohnsen er búinn að stefna ritstjórum DV og blaðamanni fyrir að skýra opinberlega frá einkamálefnum hans. Samkvæmt frétt sem birtist á DV fyrir stundu segir að Eiður krefjist fimm milljóna í miskabætur og eina milljón til viðbótar til að kynna dóminn opinberlega.
Ástæðan er fréttaflutningur blaðsins af skuldamálum Eiðs og lántökum hjá íslenskum bönkum auk fjárfestinga í íslenskum verkefnum.
Þá vill Eiður að að ritstjórarnir, Reynir Traustason og Jón Trausti Reynisson auk Inga F. Vilhjálmssonar, blaðamanns, verði dæmdir á grundvelli 229. greinar hegningarlaganna. En hún hljóðar svo:
„Hver, sem skýrir opinberlega frá einkamálefnum annars manns, án þess að nægar ástæður séu fyrir hendi, er réttlæti verknaðinn, skal sæta sektum eða [fangelsi]1) allt að 1 ári."
Athygli vekur að Eiður gerir ekki athugasemdir við sannleiksgildi fréttanna. Í raun segir í stefnunni að sannleikurinn skipti engu varðandi sakarefni málsins þar sem greint var frá einkahögum sem Eiður telur að eigi að fara leynt.
