Viðskipti innlent

OR: Skuldirnar hafa fjórfaldast á kjörtímabilinu

Sigrún Elsa Smáradóttir.
Sigrún Elsa Smáradóttir.

Meirihlutinn í Orkuveitu Reykjavíkur framlengdi í dag samning við Norðurál vegna álvers í Helguvík á fundi stjórnar í dag. Af því tilefni endurflutti Sigurún Elsa Smáradóttir, fulltrúi Samfylkingarinnar bókun sem hún lagði fram í stjórninni árið 2006.

„Í bókuninni kemur fram hörð gagnrýni á hvaða áhrif framkvæmdir og fyrirhugaður framkvæmdahraði geti haft á fjárhagsstöðu fyrirtækisins," segir Sigrún Elsa en hún segir að áhrif þessara framkvæmda á fjárhagstöðu OR hafa aldrei verið skýrð með trúverðugum hætti og því hafa fulltrúar Samfylkingar í stjórn OR aldrei stutt samninga um orkusölu til álvers í Helguvík.

„Sjálfstæðismenn og Framsóknarmenn hafa frá upphafi borið ábyrgð á þessum samningum og framkvæmdahraðanum. Þeir bera því fulla ábyrgð á þeirri stöðu sem fyrirtækið komið í," segir Sigrún Elsa og bendir á að á þessu kjörtímabili hafi skuldir fyrirtækisins rúmlega fjórfaldast. Að hennar sögn voru skuldirnar í árslok 2005 55,1 milljarður miðað við uppreiknað verðlag í júlí í ár. Í dag eru þær hinsvegar 231 milljarður.






Tengdar fréttir

Erlendum skuldum OR breytt eða samningar gerðir í evrum

Lagt hefur verið til í stjórn Orkuveitu Reykjavíkur (OR) að erlendum lánum orkuveitunnar verði breytt eða að orkusölusamningar verði gerðir í evrum. Sigrún Elsa Smáradóttir, borgarfulltrúi Samfylkingarinnar, lagði þetta til á síðasta stjórnarfundi, en afgreiðslu málsins var frestað.

Eigið fé OR gæti þurrkast út vegna stöðutöku með krónunni

Skuldastaða Orkuveitu Reykjavíkur (OR) vægast sagt illa út. Fyrirtækið hefur tekið mjög stóra stöðu með krónunni gegnum erlendar lántökur og hefur goldið þess. OR mun vitaskuld hagnast ef krónan styrkist á nýjan leik en að sama skapi myndi u.þ.b. 20% gengisveiking fara langt með að þurrka út eigið fé Orkuveitunnar ef gengisvarnir eru engar.



Mest lesið


Fleiri fréttir

Sjá meira


×

Mest lesið