Útlánasafn Landsbankans rýrnaði um 19,5% milli verðmata - ekki 24%

Heildarútlánasafn Landsbankans rýrnaði um 19,5% frá því í febrúar þegar síðasta verðmat á eignum bankans fór fram en ekki 24,2% eins og Vísir greindi frá í gær. Beðist er velvirðingar á þessum mistökum.

Skilanefndin gerði grein fyrir því í gær að virði útlánasafnsins væri 533 milljarðar en í febrúar var útlánasafnið metið á 662 milljarða króna.

Samkvæmt Páli Benediktssyni, upplýsingafulltrúa skilanefndar Landsbankans, má ástæðuna á þessari miklu lækkun á eignasafninu rekja til þess að hluti lánanna hafi verið uppgreiddur á þeim tíma sem líður á milli verðmata.