Aðstoðuðu fólk við að flytja þunga húsmuni

Um það bil þrjátíu björgunarsveitarmenn voru í allan gærdag að aðstoða fólk á jarðskjálftasvæðinu við að koma þungum húsmunum á sinn stað og sitthvað fleira.

Þá girtu þeir af 23 hús á svæðinu, sem lýsta hafa verið óíbúðarhæf. Ekki liggur fyrir hvort þau verða rifin eða hvort gert verður við þau.

Selfyssingar fundu aðeins einn skjálfta í gærkvöldi og var hann ekki snarpur, en fjölmargir eftirskjálftar mældust. Innbú eru ekki sjálfkrafa tryggð nema húseigendur hafi tekið sérstaka innbústryggingu, en Viðlagatrygging tryggir húsnæðið sjálft, samkvæmt lögbundinni brunatryggingu