Fjöldauppsagnir hjá steypustöðinni Mest

Steypustöðin Mest, sem hefur höfuðstöðvar í Hafnarfirði en selur steypu á öllu höfuðborgarsvæðinu, hefur gripið til fjöldauppsagna og segir upp 30 starfsmönnum nú um mánaðamótin.

Á undanförnum mánuðum hefur nokkrum tugum starfsmanna þegar verið sagt upp, sem rekja má til samdráttar í byggingariðnaðinum.

Í tilkynningu forstjórans til starfsmanna nú, segir meðal annars að í dag sé nánast ómögulegt að fá skammtímafjármagn hjá lánastofnunum til að létta róðurinn. Þrátt fyrir að hluthafar hafi aukið hlutafé, dugi það ekki og grípa verði til uppsagna.