Örn: Fleira vont en gott

Örn Arnarson var vitanlega ekki sáttur við árangur sinn í 100 metra baksundi en hann var langt frá sínu besta í greininni. Hann var talsvert frá því að komast áfram í undanúrslit og varð í 35. sæti í greininni.

„Ég átti von á að komast aðeins hraðar. Það var fleira vont en gott við þetta sund og ég á eftir að sjá betur hvað gekk illa. Mun skoða það mjög vel. Mér leið annars ágætlega í sundinu en var þreyttur síðustu 15 metrana eins og gengur. Það er ljóst að ég fer ekki áfram. Ég hefði þurft að bæta Íslandsmetið aðeins til þess að það hefði gengið," sagði Örn hundsvekktur eftir að hafa verið fjarri því að ná Íslandsmeti og markmiðum sínum í sundlauginni í Peking.